مەملەكەت باسشىسى تۇركيا پرەزيدەنتى رەجەپ تايپ ەردوعاندى قازاقستانعا مەملەكەتتىك ساپارى اياسىندا «قوجا احمەت ياساۋي» وردەنىمەن ماراپاتتادى, دەپ حابارلايدى Egemen.kz.
قاسىم-جومارت توقاەۆ رەجەپ تايپ ەردوعاندى ءوز حالقىن العا باستاپ كەلە جاتقان الەمدىك دەڭگەيدەگى ساليقالى باسشى جانە ساياساتكەر رەتىندە ەرەكشە قۇرمەتتەيتىنىن اتاپ ءوتتى.
ء«وزىڭىزدىڭ كورەگەن باستاماڭىزبەن قولعا الىنعان ءتيىمدى رەفورمالاردىڭ ناتيجەسىندە تۇركيا تۇراقتى ءوسىپ-وركەندەۋ جولىنا ءتۇستى, زور تابىسقا جەتتى, ىقپالدى جانە قۋاتتى دەرجاۆا اتاندى. ءبىز تۇرىك اعايىنعا ءاردايىم تىلەكشىمىز, باۋىرلاس ەلدىڭ ءار جەتىستىگىنە قۋانامىز. پرەزيدەنت ەردوعان – جاھاندىق ساياساتتا ادىلدىك پەن جاۋاپكەرشىلىك قاعيداتىن تاباندى تۇردە قورعاپ جۇرگەن اسا كورنەكتى قايراتكەر. ءسىزدىڭ «الەم بەستەن ۇلكەن» اتتى تۇجىرىمداماڭىز بارشاعا بەلگىلى. بۇل حالىقارالىق قاتىناستار جۇيەسىندەگى تەڭسىزدىككە قارسى ايتىلعان باتىل ۇندەۋ ەكەنى ءسوزسىز. سونىمەن قاتار رەجەپ مىرزا تۇركى جانە يسلام وركەنيەتىنىڭ ىنتىماقتاستىعىن نىعايتۋ ىسىندە ايرىقشا ءرول اتقارىپ كەلەدى. ءوزىڭىزدى تۇركى الەمى مويىنداعان بەدەلدى كوشباسشى دەسەك, ارتىق بولمايدى. ءسىز تۋىستاس ەلدەردىڭ رۋحاني جانە ساياسي تۇتاستىعىن بەكەمدەۋ جولىندا ايانباي ەڭبەك ەتىپ ءجۇرسىز. قادىرلى رەجەپ تايپ ەردوعاننىڭ تىكەلەي قولداۋىنىڭ ارقاسىندا تۇركى مەملەكەتتەرى ۇيىمى قىسقا مەرزىم ىشىندە ىقپالدى قۇرىلىم رەتىندە قالىپتاستى. سونداي-اق تۇركسوي, تۇركى مەملەكەتتەرىنىڭ پارلامەنتتىك اسسامبلەياسى, تۇركى اكادەمياسى, تۇركى مادەنيەتى جانە مۇراسى قورى, تۇركى ينۆەستيتسيالىق قورى سەكىلدى ماڭىزدى ينستيتۋتتاردىڭ جۇمىسى جاندانا ءتۇستى. ءبىز مۇنى جوعارى باعالايمىز,» دەدى قازاقستان پرەزيدەنتى.
مەملەكەت باسشىسى تۇركيا پرەزيدەنتىمەن شاعىن قۇرامدا كەلىسسوز جۇرگىزدى
سونداي-اق پرەزيدەنت قازاقستان مەن تۇركيانىڭ اراسىندا سان عاسىرلىق تاريحي ساباقتاستىق بار ەكەنىنە توقتالدى.
ء«بىزدىڭ تەگىمىز بەن ءدىنىمىز – ءبىر, ءدىلىمىز – ۇقساس. قازاق پەن تۇرىك جۇرتىنىڭ تەرەڭنەن تامىر تارتاتىن باۋىرلاستىعى بۇگىندە ستراتەگيالىق سەرىكتەستىككە ۇلاستى. ءسىز دوستىق قارىم-قاتىناسىمىزدى نىعايتۋعا, ورتاق قۇندىلىقتارىمىزدى دارىپتەۋگە ولشەۋسىز ۇلەس قوسىپ كەلەسىز. سول ءۇشىن ءوز اتىمنان جانە بارشا قازاق ەلى اتىنان سىزگە زور العىس ايتامىن. ۇلى دالا – ءتۇبى ءبىر تۇركى حالىقتارىنىڭ اتاجۇرتى, ال, تۇركىستان – ونىڭ قاستەرلى قازىناسى, رۋحاني استاناسى. كيەلى شاھار تۇتاستىعىمىزدىڭ نىشانى, ءتول وركەنيەتىمىزدىڭ التىن بەسىگى سانالادى. سوندىقتان ءبىز ەرتەڭ ءوز جۇمىسىن باستايتىن تۇركى مەملەكەتتەرى ۇيىمىنىڭ بەيرەسمي ءسامميتىن تۇركىستان تورىندە وتكىزۋدى ءجون كوردىك. القالى جيىن اعايىن ەلدەردىڭ اراسىن جاقىنداتىپ, ىقپالداستىعىن كۇشەيتە تۇسەدى دەپ سەنەمىن», دەدى مەملەكەت باسشىسى.
«قادىرلى باۋىرىم»: توقاەۆ تۇركيا پرەزيدەنتىمەن كەزدەسۋىنەن فوتو جاريالادى
رەجەپ تايپ ەردوعان تۇركىستاننىڭ ءپىرى قوجا احمەت ياساۋي اتىنداعى ەرەكشە وردەننىڭ العاش رەت وزىنە بەرىلگەنىنە قۋانىشتى ەكەنىن جەتكىزدى
«بۇل وردەندى تۇركيا رەسپۋبليكاسى جانە تۇرىك ۇلتىنا دەگەن ءىلتيپاتىڭىزدىڭ بەلگىسى دەپ قابىلدايمىن. وسى ورايدا ەلدەرىمىز اراسىنداعى باۋىرلاستىقتى بەكەمدەۋ باعىتىنداعى كورەگەن ساياساتىڭىز ءۇشىن سىزگە, قۇرمەتتى باۋىرىم, العىس ايتامىن. باۋىرلاستىعىمىز, دوستىعىمىز لايىم ماڭگى بولسىن!» دەدى تۇركيا پرەزيدەنتى.